25 டிசம்பர் பற்றி தெரியுமா?

25 டிசம்பர் மிகவும் பிரபலமான கிறிஸ்துமஸ் நாள். இது கிறிஸ்தவர்களின் புனித நாள். கிறிஸ்துமஸ் என்றால் கிறிஸ்துவின் பிறப்பு என்று பொருள். இயேசு கிறிஸ்துவின் பிறப்பை நினைவு கூர்ந்து இந்த நாள் கொண்டாடப்படுகிறது. இந்த நாள் உலகெங்கிலும் விடுமுறை நாளாக அறிவிக்கப்பட்டுள்ளது. இயேசு கிறிஸ்து எந்த நாளில் பிறந்தார் என்பது சரியாக தெரியவில்லை என்றாலும், கி.பி. 336 முதல் டிசம்பர் 25ம் தேதி கிறிஸ்துமஸ் கொண்டாடப்பட்டு வருகிறது.

கிறிஸ்துமஸ் அன்று பொதுவாக மக்கள் தேவாலயத்திற்கு சென்று சிறப்பு பிரார்த்தனைகளில் ஈடுபடுகிறார்கள். வீடுகளில் கிறிஸ்துமஸ் மரத்தை அலங்கரிப்பார்கள். நட்சத்திரம், பந்து, மணி மற்றும் மின் விளக்குகளால் கிறிஸ்துமஸ் மரங்களை அலங்கரிப்பார்கள். சாண்டா கிளாஸ் என அழைக்கப்படும் புனித நிக்கோலஸ் குழந்தைகளுக்கு பரிசுகள் வழங்குவார் என்ற கருத்துள்ளது. பரிசுகள் அனைத்தும் கிறிஸ்துமஸ் மரத்தின் கீழ் வைக்கப்படும். இயேசு கிறிஸ்துவின் பிறப்பை நினைவுகூரும் வகையில் கிறிஸ்துமஸ் கரோல்களை பாடுவார்கள்.

கிறிஸ்துமஸ் நாளில் மக்கள் விருந்து சாப்பிடுவது வழக்கம். இந்த விருந்துகளில் புட்டிங், கேக் மற்றும் கிறிஸ்துமஸ் புட்டிங் போன்றவற்றை சாப்பிடுவார்கள். மேற்கத்திய நாடுகளில் பொதுவாக இந்த நாளில் பனிமூட்டமாக இருக்கும். மேலும் பரிசுகள் பரிமாறுவது, கிறிஸ்மஸ் கேக்குடன் கிறிஸ்மஸ் புட்டிங் சாப்பிடுவது என இந்த நாளில் உலகம் முழுவதும் பலவகையான கொண்டாட்டங்கள் நடக்கின்றன.